哥帅教曼城英超入波600+ 同费Sir云格睇齐

xcy232323

       

        曼城上仗英超以3比1击败白礼顿，艾宁夏兰特射入嘅1球12码，有特别意义，因为系「蓝月亮」由哥迪奥拿执教之後，第600个英超入波，哥帅亦同2位传奇主帅费格逊及云格睇齐，成为史上第3位率领单一支球队攻入英超600球嘅领队。
        哥迪奥拿对於自己可以创下新里程碑，感到非常荣幸，佢话：「我哋近期入咗好多波，对於球队所有人来讲，都系一件非常值得开心嘅事，我要多谢球会嘅支持同球员嘅表现，我哋有出色球员，否则冇可能入到600球，依家要继续前进。」
        至於今场梅开二度嘅艾宁夏兰特成为自2018年2月阿古路之後，首位连续7场主场有波入嘅曼城球员。