迪比利1入波3助攻 巴塞4蛋炒毕尔包

xcy232323

       

        周一(24日)凌晨西甲赛事，巴塞隆拿主场4比0大胜毕尔包，喺积分榜继续以3分落後榜首皇家马德里。巴塞今场赢波英雄系奥士文尼迪比利，佢个人交出1入波同3助攻，教练沙维大赞呢位法国国脚会系球队锁匙人。
        奥士文尼迪比利今场个人表演，12分钟接应罗拔利云度夫斯基传中顶入，呢位好波之人喺右翼非常活跃，再助攻沙治罗拔图、罗拔利云度夫斯基同费伦托利斯入波，直接间接包办晒4个入波，带领巴塞大胜4比0完场。
        奥士文尼迪比利今季联赛已有3入波同5助攻，而且7次创造机会、28次关键传球同5次助攻都系西甲第1位，沙维赛後表示：「自从我上任之後，一直对迪比利嘅表现好满意，但如果佢对自己更有信心，可以有更多入波同助攻，佢要喺每一场比赛、每一个时刻成为决定性人物。」