坦哈格开出C朗归队条件 令佢好难堪

xcy232323

       

        C朗喺早前对热刺一役，擅自提早离场，被球会重罚内部停赛，亦唔可以跟随大队操练，呢位37岁葡萄牙球星几时可以归队，备受关注，英国《电讯报》爆料指红魔鬼主帅坦哈格要求C朗作出真诚道歉，否则唔可以归队。
        据悉坦哈格态度非常强硬，要求C朗作出真诚道歉，表达自己嘅悔意，要令佢知道事件嘅严重性，如果C朗做唔到，就要一直自己单独操练。据悉球会管理层亦支持坦哈格铁腕治军，相信队内冇人可以帮到C朗「解冻」。
        世界盃决赛周展开之前，曼联仲有6场比赛，C朗好需要上阵提升状态，但未知佢愿唔愿意向坦哈格屈服。