马古尼复出即食牌 网民：危险过计时炸弹

xcy232323

       

        曼联上仗欧霸盃除咗有C朗获得「解冻」上阵之外，养伤1个月嘅中坚哈利马古尼亦复出，呢位英格兰国脚继续有「惊人」演出，佢下半场後备上阵踢咗45分钟，即使时间唔多，但都食咗1张黄牌，网民寸爆佢仲危险过计时炸弹。
        曼联主帅坦哈格喺半场休息後，随即用哈利马古尼入替利辛度马天尼斯，幸好对手舒列夫实力比较弱，未有对红魔鬼防线构成太大威胁。
        不过，哈利马古尼并冇令花生友失望，踢到84分钟攞咗1张黄牌，亦系曼联今场唯一食牌嘅球员，果然好似漆黑中嘅萤火虫咁「出众」。
        哈利马古尼季初表现差劣，被贬为後备之後，曼联成绩立即反弹，但由於正选中坚华拉尼早前受伤，需要抖3至4星期，令到马古尼有机会重夺正选，成为曼联未来赛事一大不明朗因素。