干地住足1年酒店 方便随时走人？

xcy232323

       

        热刺自去年请到干地执教後，球队成绩有显着提升，不过呢位意大利教头出名「难服侍」，过去从未教一支球队多过3年。据报祖云达斯已有计划邀请干地回巢，而干地重返英超差唔多1年时间，原来一直都住喺酒店，令人怀疑佢系咪想方便随时「走人」。
        同前领队摩连奴一样，干地上年11月执教热刺後，差唔多1年都住喺酒店，老婆同个女就继续喺意大利生活，对於住酒店嘅做法，干地表示：「我觉得呢个系好好嘅选择，依家酒店嘅老板同职员都当我系家人一样，我都想借呢个机会多谢佢哋。」
        干地同热刺嘅合约去到季尾完结，续约谈判亦迟迟未有进展，据意大利《都灵体育报》报道，祖云达斯嘅计划系干地拖延续约嘅主要原因，尤其祖云达斯教练阿里基帅位不稳，干地唔排除会重返呢支曾教过3年嘅球会执教。