一家大细亮相 C朗：好多球会搵我但我拣沙特

xcy232323

       

        C朗以破世界纪录年薪加盟沙特球队艾纳斯，周二出席亮相仪式及首课公开操练，获得球会以超超级VIP欢迎，而呢位葡萄牙巨星都相当识造，一家大细拖住手在球场同粉丝挥手，呢个场面极为罕有。
        艾纳斯以超跨张嘅欢迎仪式接待C朗拿度，佢出席公开操练前，踏入球场不断发放烟火，相当隆重，而C朗则穿上了７号球衣入场，更与女友乔治娜拖住几位同样着住艾纳斯波衫嘅仔女行入球场中间与球迷互动。
        C朗出席记者会自爆，「其实我有来自巴西、葡萄牙、美洲及澳洲球会邀请，但我最终拣拣咗艾纳斯。」佢仲话「我喺欧洲嘅工作已经完成，赢尽了一切，呢个系新挑战。」
        对於嚟到沙特发展，C朗自己讲出咗任务，「我系一个独特嘅球员，打破了好多纪录，嚟到呢度亦会一样。对我嚟讲，绝对不是结束，沙特联赛非常有竞争力，我知很多人误解。呢一份系好独特嘅合约，我嚟到呢度唔系只为足球，我想要改变沙特人对足球嘅睇法。」C朗嘅首演预计喺1月15日作客艾沙比。