【有片】迪基亚「派胶」 网民：2023最爆笑画面

xcy232323

       

        曼联喺英足盃以3比1击败爱华顿，赛後门将迪基亚成为「主角」，但并非因为佢屡救险球，而系呢位32岁西班牙钢门离奇「派胶」，犯下严重失误，导致红魔鬼一度被对手扳平，网民寸爆迪基亚创造2023年最爆笑画面。
        当时踢到14分钟，爱华顿前锋马奥比喺禁区右路近底线位置，勉强出脚捞个波入中间，迪基亚原本已封近柱，但竟然被「通坑渠」，爱华顿中坚高亚迪趁机射入空门，令到曼联球员同球迷都呆晒，唔敢相信迪基亚会出现呢种错误。
        赛後迪基亚「派胶」片段喺网上疯传，唔少网民寸佢系1位「搞笑高手」、「令人震撼」，亦有曼联球迷认为迪基亚已经「玩完」，呼吁领队坦哈格之後比赛，应该派出刚由水晶宫借用嘅门将毕兰特担正。
        事实上，迪基亚今次失误，後果可大可小，因为爱华顿及後仲有前锋迪马雷格雷入波，被判越位，曼联赢波过程艰辛，呢位高薪门将真系要好好反省一下。