加普完成手续 英足盃可斗狼队

xcy232323

       

        利物浦上月底宣布签入荷兰射手加普之後，呢位23岁前锋并冇份出战周二(3日)凌晨英超对宾福特，眼白白睇住红军输波，原来当时加普仲未完成所有转会手续，唔可以披甲。
        根据英国传媒最新消息，加普嘅转会手续终於搞掂晒，已经符合资格为红军比赛，预料周日(8日)凌晨英足盃利物浦主场对狼队，加普可望上演红军处子战。
        加普今季为燕豪芬喺荷甲上阵14场，射入9球及12次助攻，并协助荷兰打入今届世界盃8强，佢有3球进帐。达云纽尼斯脚头无灵之下，利物浦签入加普，可以话系一场及时雨。