C朗效应！艾纳斯官方IG粉丝破千万劲过国米

xcy232323

       

        C朗加盟沙特嘅艾纳斯，成为近排球坛嘅焦点之一，呢位葡萄牙球星令本来冇乜人关注嘅沙特联赛，成为球迷关注嘅赛事，更加令艾纳斯呢支球队人气急升，由宣布C朗加入佢哋球队後，啱啱一星期，球队嘅社交平台粉丝以万倍急升，艾纳斯嘅Instagram已经突破1000万粉丝，C朗嘅魔力确实厉害。
        以破历史年薪加盟嘅C朗，获得球会高度重视，因为呢位超级球星成为了球队艾纳斯及沙特阿拉伯联赛嘅宣传大使，引来全球瞩目，自从官宣C朗加盟，每一个关於C朗嘅POST平均都有过百万Like，而C朗拿着艾纳斯球衣嘅第一相，更有超过300万Like，比起球队过往嘅Post，以10倍计嘅增长。
        由於C朗还未正式注册，所以周五嘅比赛未能上阵，但球队嘅官方IG嘅粉丝已不断上升，截止周六（7日）中午，已经有超过1000万人关注，呢个数字已经多过意甲盟主国际米兰嘅粉丝（880万），其实C朗加盟两日，已令官方社交平台嘅粉丝突破600万，就连C朗女友乔治娜都忍唔住要报喜。