十叔绿木首次对话：能否复出我话唔到事

xcy232323

       

        曼联前锋格连活特获撤销伤人及性侵检控後，近日首次同曼联领队坦哈格对话，据称绿木对於十叔来电表示感激，不过佢能否复出，坦哈格就坦言冇权话事。
        知情人士透露，格连活特自从被捕以来，一直禁赛禁操，已经好耐冇同球会接触，就算有联络都唔系直接，而系通过第三方间接沟通，所以今次坦哈格肯打电话畀格连活特，该球员表示感激。
        坦哈格喺今次对话，问及佢身体同精神情况，仲话好高兴佢嘅指控被撤销，所以应该同佢倾一倾，不过坦哈格坦言：「佢能否喺曼联复出，决定权喺球会高层度，我话唔到事。」
        格连活特重返曼联可谓障碍重重，日前曼联女足表态反对，认为佢嘅存在令女足球员好唔舒服，另有公关人士指出，如果绿木留喺曼联，将令球会出现数以百万镑计嘅形象损失，仲建议佢去一个女权唔发达嘅国家，先可以继续踢波。