加拉塔沙雷队医：沙夏长期反覆受伤

xcy232323

       

        韦费特沙夏今夏离开水晶宫转战土超，喺新球会加拉塔沙雷上阵2场之後一直养伤，已经缺阵4场，队医表示沙夏嘅伤势系上一队带落嚟，肌肉长期反覆受伤所致。
        加拉塔沙雷队医Yener Ince表示：「沙夏嘅肌肉长期反覆受伤，佢上季为咗帮水晶宫护级，受伤都要上阵，全季交出7球2助攻，最终球队成功护级，但佢就搞到周身伤患。」
        沙夏系今夏加盟加拉塔沙雷嘅其中一位大牌球星，加盟当日受到巨星级欢迎，球队仲有莫路伊卡迪同梅顿斯助阵，打算喺欧联有一番作为，佢哋抽签後落入A组，同组对手有拜仁慕尼黑、曼联同哥本哈根。