丹麦险胜芬兰 贺兰特激情演讲「做大佬」

xcy232323

       

        周一(11日)凌晨欧国外H组赛事，丹麦作客1比0险胜芬兰，曼联新星贺兰特虽然冇波入，但佢後备入替後活跃表现仍获领队赞扬，而呢位20岁前锋完场後，拎住「大声公」带领队友向球迷激情演讲，豪言丹麦将进军欧国盃，获球迷赞有「大佬风范」。
        丹麦今仗面对死守嘅芬兰一直苦无破关之策，半场期间领队贺文特换入伤愈冇耐嘅贺兰特，终於喺完场前4分钟由贺积查治「绝杀」赢1比0，喺H组6战得13分同斯洛文尼亚并列榜首。贺文特赛後赞扬贺兰特嘅贡献：「我哋上半场可以做得更好，但最後一传欠缺质素，半场我作出变动，令前线更加有威胁，一直施压到最後取得成功。」
        贺兰特上场踢32分钟，今场亦只系踢45分钟，贺文特履行对曼联「锡住用」嘅承诺，呢位前锋虽然冇入波，但赛後拎住「大声公」去场边答应作客都嚟支持嘅球迷：「我哋听到你哋嘅声音，你哋嘅热情就系一切！我哋要踢欧国盃，上呀！」唔少球迷睇完贺兰特嘅激情演说，都认为佢已经成为丹麦国家队嘅领袖。