奥拿拿都试过「食禁药」 上诉後获减刑

xcy232323

       

        祖云达斯中场保罗普巴因为药检「肥佬」，面临2年至4年停赛，其实以往都有唔少球员「食错药」被处罚，包括现时曼联门将奥拿拿，呢位喀麦隆国脚效力阿积士期间，曾涉嫌服食禁药Furosemide，於2021年被欧洲足协判罚停赛1年，其後上诉至国际体育仲裁法庭，获减刑至9个月，依家仍然系一条好汉。
        当年奥拿拿嘅尿液样本之中，含有禁药Furosemide，佢解释因为身体不适，所以食咗老婆嘅处方药物，原本以为只系普通嘅阿士匹灵，结果酿成大错。当时欧洲足协纪律小组虽然同意奥拿拿系「无心之失」，亦未有得到好处，但认为确保自己冇食禁药系运动员应有责任，仍然决定罚佢停赛1年，阿积士向国际体育仲裁法庭提出上诉，获得减刑3个月。
        保罗普巴今次「食禁药」，到底系故意藉以提升表现，亦或好似奥拿拿属於「无心之失」，成为判刑轻重关键因素，若然最终只系坐9个月「波监」，球员生涯应该仲有得救。