欧国盃势危 波兰决定炒费兰度山度士

xcy232323

       

        波兰日前喺欧国外输畀阿尔巴尼亚，出线明年决赛周机会大打折扣，据报波兰足总已决定「做嘢」，将会解雇上任唔够1年嘅葡萄牙名帅费兰度山度士。
        68岁嘅费兰度山度士上年世盃争议性弃用C朗拿度，8强出局後被葡萄牙炒鱿，今年1月接手执教波兰，虽然球队喺欧国外E组对手唔强，但波兰竟然5战2胜3负排小组尾二，分别输畀捷克、摩尔多瓦同阿尔巴尼亚，表现未符预期，据波兰媒体报道，足总已决定将佢炒鱿。
        波兰日前0比2输畀阿尔巴尼亚後，费兰度山度士仍坚持唔会辞职，不过波兰足总被问到会唔会换帅，发言人就回应传媒：「我哋会用最合适做法去解决问题。」消息指波兰系想等新帅人选落实，先至公布换帅决定。