波胆重开！整条「新改动过关」贺一贺佢！

xcy232323

       

        足智彩波胆玩法已经重开，各位锺意以小博大嘅朋友，开心番晒啦！咁啱今晚国际赛，就有几场强弱悬殊嘅赛事，一於拣两场、整番条「其他波胆」2串1，博一博啦！
        头关比利时对爱沙尼亚。比利时目前喺F组4战10分，与奥地利同分，今场比利时主场迎战鱼腩爱沙尼亚，而奥地利则作客瑞典，当然系「红魔」抛甩奥军嘅好机会啦！睇番比利时首循环作客爱沙尼亚，轻松大胜3:0，如今返到主场作赛，冇迪布尼都够做。留意番比利时近3仗主场都有失波，包括上年大炒波兰6:1，呢关就博个「主其他(客有入球)」，19倍够和味。
        同时间开波嘅，仲有西班牙对塞浦路斯。西班牙目前喺A组3战6分，啱啱先喺上仗作客大炒格鲁吉亚7:1，如今乘勇返主场，梗系杀声震天啦。塞浦路斯喺分组赛4战全败，而且加埋只入得两球，预计今场都好难威胁到控球能力极强嘅西班牙，5倍嘅「主其他(客无入球)」热得有道理，两关乘埋有95倍，啱晒胃口！