马古尼尽诉心中情 霸气回应指责

xcy232323

       

        曼联中坚哈利马古尼今季英超仅於上轮对阿仙奴一役後备上阵，日前为英格兰踢热身赛对苏格兰，更加摆乌龙，再次成为笑柄，亦遭到大量网民批评。呢位30岁後衞接受传媒访问时，霸气回应话面对指责，自己仍然应付得到。
        哈利马古尼话：「我唔会话自己系精神上抗压高手，但过去几年，我经历咗好多，亦担任过曼联队长近4年，承担巨大责任嘅同时，亦要接受任何挑战，无论好事或坏事，都要处之泰然，好多人畀我好大压力，我唔可以话习惯咗，但我应付到。」
        至於讲到对苏格兰摆乌龙，哈利马古尼承认感到失望：「我系中坚，只能够喺当时位置出现，我对自己场上表现同处理方式感到满意。」
        英格兰主帅修夫基早前亦力撑哈利马古尼，认为外界对佢作出唔公平嘅批评，两人惺惺相惜，难怪即使哈利马古尼喺曼联长坐冷板，修夫基仍然徵召佢入国家队。