「赌波神锋」周日可复操 车路士冬季抢购

xcy232323

       

        宾福特前锋艾云东尼因为违规赌波，今年5月被英格兰足总判罚停赛8个月，包括唔可以跟随球队操练，佢将於周日(17日)完成一半刑期，可以局部「解禁」，重返宾福特训练基地，使用设施操练保持状态。艾云东尼将於明年1月16日刑满，车路士已经准备喺冬季转会市场收购佢，提升锋线实力。
        今次违规赌波案之中，艾云东尼承认232项指控，被罚停赛8个月及罚款5万镑，佢停赛之前有伤在身，将於下周接受宾福特军医检查，如果身体状态适合，就会安排佢同球队一齐操练。
        宾福特领队法兰基话：「艾云东尼归队当然系好事，佢系1位非常重要嘅球员， 以往一向勤力训练，态度正面，为球队带来正能量，亦系一位好榜样。」事实上，艾云东尼虽然被罚停赛8个月，但仍然吸引大球会兴趣，英国《太阳报》指车路士睇准艾云东尼明年1月16日坐完波监复出，准备冬季收购佢，皆因球队锋力不足，艾云东尼上季英超上阵33场入20球，正系车仔最需要嘅高效射手。