谢德谦：内忧外患坦Sir头都大埋

xcy232323

       

        国际赛期刚刚就完咗，嚟紧曼联主场就会对住状态唔错嘅白礼顿，但呢一刻嘅曼联问题多多，坦哈格要面对内忧外患真系头都大埋。
        球会成绩近期飘忽，暂时2胜2负排第11位，上场对住阿仙奴最终以1比3落败，士气大受打击，另一边厢安东尼马菲奥斯同辛顿辛祖又各有问题新闻多多，曼联今次一定要小心处理，因为之前格连活特出走基达菲，已经令球迷不满。今场比赛呢两位球员唔会上阵，而中坚华拉尼及利辛度马天尼斯继续养伤，坦哈格真系要谂吓仲有咩阵式可以用，唔通真系要派哈利马古尼同庄尼伊云斯呢对中坚组合？
        白礼顿就继续有好表现，上场痛击纽卡素後更令大家肯定佢哋嘅能力，当中艾云费格逊个人连中三元，佢肯定成为曼联嘅心腹大患，而喺国际赛期艾云费格逊为咗养伤，连国家队都唔去踢，就知佢几重视呢场比赛。虽然呢场白礼顿作客，但我都会睇高佢哋少少。