肥安复仇之战 皇马赢波十拿九稳

xcy232323

       

        皇家马德里喺C组次轮作客拿玻里，两军首场分组赛都赢波，今场赢波就有出线主动权。「银河舰队」专克意甲兵，近15次喺欧联斗意甲球队豪取14胜，加上皇马教练安察洛堤同拿玻里管理层有牙齿印，今场实当仇人咁对待，皇马平手盘抵玩到极。（Now 645周三凌晨3时直播）
        拿玻里早前喺联赛先不敌拉素，再以2比2同0比0打和热拿亚同博洛尼亚，上季夺冠嘅锐气全失，好彩最近及时复苏连赢两场，总算喺对皇马嘅大战之前重拾状态。不过，面对曾经14次捧盃嘅皇马，拿玻里始终睇低一线。拿玻里曾经喺2017年欧联16强挑战皇家马德里，结果主客两回合都输1比3，事实上「银河舰队」对意大利球队特别有计，连同呢两场在内，15次对意甲兵赢14场，绝对系格食格。
        另外，如果球迷记性唔太差嘅话，应该记得安察洛堤2018至19年曾经执教拿玻里，喺2019年拿玻里成绩唔好时，球会主席迪罗伦迪斯下令惩罚球员加操唔畀番屋企，但球员不满主席干预更衣室，公然违抗命令，当时「肥安」就企喺球员嗰边结果被炒，今场安帅仲唔当拿玻里仇人咁打。事实上，安察洛堤熟悉意大利足球，由球会到国家队都教过，净系「安察洛堤」4个字都值得投注啦，平手盘真系咪走鸡。