李维士费格逊受关注 莫达：唔好提

xcy232323

       

        苏格兰中场李维士费格逊近期惹起注视，佢上场意甲为博洛尼亚披甲，喺作客落後2球劣势下2比2逼和国际米兰，赛後当选最有价值球员成为谈论焦点，博洛尼亚主帅莫达惊佢被豪门挖角，赛後讲笑咁话：「唔好提，唔讲得。」
        李维士费格逊呢场波踢出身价，当时国米领先2比0，佢先博得12码，再交出助攻，帮博洛尼亚连追两球逼和，据报呢位苏格兰中场今夏曾受祖云达斯关注，今场交出好表现过後，估计下个转会窗其身价将会上升到1,500万镑(约1.43亿港元)。
        球员时代先後代表过巴西同意大利嘅莫达，依家执教博洛尼亚，佢赛後讲笑咁话：「你哋唔好再讲佢啦好冇，我哋要收埋佢，因为呢位球员可以踢高水平足球，攻守都咁出色，亦好有头脑，由今日开始我唔会再讲佢。」