麦迪臣寸爆阿诺特：仲想要求重赛？

xcy232323

       

        热刺早前靠VAR乌龙判决，喺联赛2比1击败利物浦，「红军」领队高普事後曾经要求重赛，被球迷批评「不切实际」。热刺中场占士麦迪臣近日喺英格兰国家队，再遇利物浦代表阿历山大阿诺特，佢就喺社交网再抽水，寸利物浦「仲想要求重赛？」
        英格兰今次点兵，热刺同利物浦各有一个代表入选(占士麦迪臣、阿历山大阿诺特)，两军近期「牙齿印」亦成为话题，占士麦迪臣喺社交网贴出佢同阿历山大阿诺特喺更衣室相片，仲配上对白「仲想要求重赛？」寸爆利物浦「输唔起」。
        热刺今季全面翻生，目前喺英超排榜首，占士麦迪臣加盟系主要原因，不过呢位26岁中场玩社交网向来古灵精怪，今次「抽水」都系玩嘢居多，唔会影响佢同阿历山大阿诺特喺国家队嘅合作关系。