诺士郡尽地一煲做大骚

xcy232323

       

        英锦标北部G组赛事，英乙球会诺士郡越级挑战英甲嘅打比郡。诺士郡小组首仗输波，要争出线不容再失，主场出击必尽地一煲抢攻，呢支英乙1哥踢法进取，面对强阵出击嘅打比郡预计大手交易，捧2.5球入球大稳阵。（周三凌晨2时开赛）
        诺士郡自从去年请到主帅路克威廉斯上任，成绩突飞猛进，上季成功由地区联赛升上英乙，估唔到升班後继续神勇，目前喺英乙排榜首，有机会「坐火箭」连续两年升班。曾经喺白礼顿青年军任教嘅路克威廉斯，引入进取踢法系球队爆发主因，尤其主场出击相当勇猛，近6仗主场赛事狂轰16粒，全开3球或以上。由於英锦标分组赛只踢3场，首仗输波嘅诺士郡冇得保留，相信会选择狂攻。
        打比郡作客同样进取
        打比郡今季目标都系争升班，上场逼和车顿咸後，近6仗保持不败，阵中有华汉同文迪斯兰治等前英超兵，论实力肯定高於主队，而且佢哋小组首仗全取3分，今仗赢埋就好大机会出线，加上佢哋对上6场作客赛事都有入波，一於博2.5球入球大。