海伦掀骂战 圣马力诺老将反击：唔系男人

xcy232323

       

        丹麦周三(18日)喺欧国外险胜圣马力诺，有份入波嘅曼联前锋海伦成为主角，佢喺赛後访问以及社交网，两度指控圣马力诺球员蓄意踢伤佢，结果演变成骂战，圣马力诺球员群起反击，批评海伦插水兼「唔系真男人」。
        海伦喺呢场比赛多次受到侵犯，佢同丹麦队长卡积亚赛後都话，听到圣马力诺球员用意大利文沟通，话要将海伦踢伤。圣马力诺41岁老将迪马奥就反击：「我听到嗰位『8,000万先生』投诉，话寻日比赛得唔到圣马力诺後衞礼待。明白晒，或者喺呢个体力化踢法逐渐消失嘅球坛，你就可以将我哋呢啲小球队当玩具，用尽方法插水希望VAR会送12码畀你哋，我真系好想睇你喺15年前踢波系点，当时只有真男人先可以踢波！海伦你太令人失望，祝你好运。」
        另一位圣马力诺後衞杜斯亦表示：「海伦讲大话！我哋只系同佢讲，话佢庆祝入波嘅动作缺乏尊重。佢踢紧英超，嗰度嘅後衞比我哋更有技术、更体力化同硬净，佢应该习惯呢种踢法。」