谢德谦：酒吧街睇曼市打吡 感受另类气氛

xcy232323

       

        今周英超重头大战曼联主场斗曼城，呢场打吡身处曼市嘅我又点可以错过。每逢呢啲大战球场必定人头涌涌，而我就唔入球场感受大战气氛，选择咗喺市中心附近酒吧街，同一班「魔性澎湃」嘅英国球迷睇波，如果嚟到英国想感受下另类睇波气氛，大家不妨一试。
        讲番场波，老实讲点秤都系曼城高啲，曼联近5次打吡战输咗4次，仲要佢哋近3场联赛主场，有两仗输过畀白礼顿同水晶宫，主场出击都冇咩保证。虽败「红魔」录得3连胜，但几场波赢得都冇咩说服力，加上防中卡斯美路继续养伤，防守上更打折扣，呢个时间真系要靠晒及时反弹嘅哈利马古尼同门将奥拿拿，睇下佢哋顶唔顶得住「蓝月」嘅攻势。
        洛迪复出蓝月如虎添翼
        曼城今年表现的确冇以往几年咁稳定，近6仗只系赢得3场，不过当中几场冇咗洛迪卡斯简迪，进攻同防守都冇咗连贯性咁，睇得出佢几咁重要，今场洛迪可以复出，相信系曼联球迷唔想听到嘅消息。