谢德谦：阿仙奴夫添顶到纽卡素

xcy232323

       

        今周英超重头戏非纽卡素主场迎战，喺联赛唯一未输过嘅阿仙奴莫属，大家喺周中联赛盃都有出赛，但喺赛果就大大不同，纽卡素轮换下清风送爽扫走咗曼联，而阿仙奴发挥一般下输咗畀同市球队韦斯咸，表现有少少令人失望。
        纽卡素对住曼联一役，领队艾迪侯域战术相当清晰，球队上上下下加埋7位球员需要养伤或者停赛，所以艾迪侯域要调教球队战术，要求球队放弃控球，等曼联主导比赛，所以纽卡素控球比率低过40%，但最後利用球队嘅快速反击以3球大胜曼联，我估计艾迪侯域今场都会沿用呢套战术，希望以稳守突击战术，击败阿仙奴拎呢宝贵嘅三分。
        阿仙奴方面为免畀热刺进一步抛离，呢场波1分都唔少得，球队上场联赛大胜锡菲联，前锋尼基迪亚虽然个人连中三元，但喺对韦斯咸的比赛表现一般，不过球队成场比赛表现未算好差，加上运气又争少少，但返嚟联赛又唔同讲法，相信呢场队长马田奥迪加特、布卡约沙卡、加比尔马天尼利同迪格兰赖斯会回归正选，带领阿仙奴继续做不败之师。