【人物志】17岁「朗尼」绝杀曼联 网民：签佢啦

xcy232323

       

        哥本哈根喺欧联以4比3反胜曼联，後备上阵嘅17岁中场巴迪治(Roony Bardghji)射入绝1球，一战成名，咁啱呢位瑞典新星嘅名字叫朗尼(Roony)，同曼联史上入球王朗尼嘅姓氏一样，似乎注定同红魔鬼有缘，难怪网民纷纷认为曼联应该签入呢位天才球员，将来可能成为另一位朗尼。
        巴迪治成长经历充满戏剧性，佢来自一个敍利亚家庭，喺另1个中东国家科威特出世，其後同家人移民瑞典，曾於马模青年军受训，2020年转投哥本哈根青年军，2年前以16岁零6日成为哥本哈根一队史上最年轻披甲球员。
        巴迪治上年10月欧联对西维尔，首次出战呢项大赛，相隔1年，今仗射入曼联大门，取得职业生涯首个欧联入波，意义重大。
        巴迪治将於11月15日先至年满18岁，赛後佢话：「我无法形容当时感受，唔知讲咩好，每次坐後备席，我都希望上阵，并决定赛果，呢3分非常重要，可以喺欧联射入决定性1球系我自细嘅梦想。」巴迪治今季各项赛事为哥本哈根上阵23场入10球，佢剩下2年合约，估计身价为400万欧元(约3,300万港元)，经此一役之後，身价肯定大升，如果曼联想签佢，就要快手。