卢顿铁桶阵唔易破 曼联哑火半场献「细」

xcy232323

       

        英超抢分战，曼联主场迎战卢顿。「红魔鬼」上仗3比4输畀哥本哈根，欧联濒临出局，主帅坦哈格下台危机再现，佢哋表现飘忽最主要原因系进攻乏力，而且卢顿刚喺上仗赛和利物浦，防线顶得住红军强攻并唔简单，再睇曼联近7场联赛6次半场开1球或以下，捧1.5球半场细最明智。(Now 621周六晚11时直播)
        曼联早前对曼城同纽卡素都大败，上轮联赛险胜富咸，压力稍缓，但周中欧联又输畀哥本哈根，拉舒福特缺态仲要攞红牌累全家，但由於前线缺人只能继续焗用，前锋海伦喺欧联已经入咗5球，但奇在佢一踢联赛就会死火；至於安东尼马菲奥斯缺态，将会由法根度柏利斯查顶上。
        红魔锋线有几差，从入球数字就可以反映到出嚟，11场联赛仅入12球，系Big 7中最少，而且远低於前列争标各队，佢哋对强队恐怕都唔够打，对住中下游球队亦只能惊险取胜，加上坦哈格嘅防守战术，就算对手较弱，都要搞一大轮先入到波，所以入球偏少。
        加上曼联今季成绩差影响士气，周四欧联输波後面临出局，今季17仗比赛输咗9场，曼联今晚对完卢顿，就会迎接两场欧联生死战，之後就会喺12月17日作客利物浦，稍有差池坦帅将会被炒鱿，或会重演摩连奴喺2018「葬身」晏菲路球场嘅悲惨命运。
        至於新升班嘅卢顿已逐渐适应英超节奏，上仗主场火并利物浦几乎爆冷成功，最终补时失守被迫和1比1，但能够喺红军手上抢到1分非常难得，其严密防守加将士用命系关键，今仗作客奥脱福势必死守，佢哋连利物浦都顶到，对曼联冇理由唔得，1.5球半场细博得过。