英格兰补选3新丁 继续无视史达宁

xcy232323

       

        已经锁定欧国盃资格嘅英格兰，将会喺最後2场欧国外对马尔他同北马其顿，赛前有多位球星因伤退队，领队修夫基周一(13日)补选高尔彭马、历高利维斯同安斯干沙3位「新丁」，但就继续无视今季状态大勇嘅史达宁，引起唔少质疑。
        由於哥林威尔逊、占士麦迪臣同李维士邓克先後退队，修夫基决定喺U21拣入高尔彭马同历高利维斯，并召入今季喺阿士东维拉表现出色嘅安斯干沙，3人之前都未曾为英格兰A队上阵，周六(18日)凌晨对马尔他呢场例行公事，有望作出处子战。
        不过外界对修夫基坚决唔选史达宁表示质疑，里奥费迪南就喺佢自己网台表示：「解放史达宁！我唔知佢做错咩事，唔知有乜内情，但如果讲状态，史达宁今季嘅贡献，佢比拉舒福特同基亚利殊加埋更多！史达宁仲系英格兰上届欧国盃嘅最佳球员！」