【阿甲盃】葛度尔古斯当弗 上盘米走鸡

xcy232323

       


        听朝阿甲盃B组尾轮，沙米恩图主场硬撼葛度尔古斯。葛度尔古斯虽然已肯定闯入淘汰赛，但状态大勇，近5场赢4次信心爆棚，今场可搵沙米恩图磨刀，让平、半照捧上盘。
        阿甲盃将28队分为A、B组打单循环，每组头4名会杀入淘汰赛，冠军会取得直入下届自由盃分组赛入场券。葛度尔古斯喺B组以21分位居榜首，甩开第5位学生队5分，已提早取得参加淘汰赛资格，虽然今仗只属例行公事，不过葛度尔古斯从开头频频和波，去到近5仗取得4胜1负杀上1哥位，唔讲得笑，而且4场赢波都保持清白之身，个势咁好毋须勒住勒住。
        至於沙米恩图喺B组踢咗12场，只得3胜6和3负，位处中游，平稳有余但入得8粒，攻力疲弱，想争出线除咗要自己争气赢波，仲要望喺积分榜对上几队齐齐失分，先有机会赶上尾班车，不过以佢哋近4次主场不胜仅入1粒嘅状态，想击败葛度尔古斯机会渺茫，焗攻随时益晒葛度尔古斯，上盘值得捧场。