迪基亚有新路数 去西乙做球员兼班主

xcy232323

       

        迪基亚今夏离开曼联後，一直未有班落，虽然近期传出多支球队有兴趣签入呢位33岁西班牙钢门，但都只闻楼梯响，根据英国《太阳报》报道，迪基亚近日同西乙球会CD艾丹斯嘅管理层接触，并有可能入股，成为球员兼班主。
        早前曾经传出西甲球队贝迪斯计划签入迪基亚，但之後冇下文，英国《太阳报》引述西班牙媒体《Onda Cero》消息，指迪基亚近日见过CD艾丹斯嘅管理层，似乎唔介意踢西乙。CD艾丹斯今季首次升上西乙，规模非常细，照计冇能力负担迪基亚过往巨额人工，除非佢愿意大幅减薪。
        值得一提，CD艾丹斯会长柏斯古佩雷斯近期表示有意出售球会股份，所以有推测迪基亚今次同球会接触，可能想入股，成为球员兼班主，到时做「义工」都冇所谓啦。