【有片】C朗今年第50球 闯沙特盃4强

xcy232323

       


        葡萄牙球星C朗拿度继续大放异彩，周二(12日)凌晨沙特盃赛事，C朗攻入今年第50球，带领艾纳斯作客5比2大破艾沙比，闯入沙特盃4强，有望自1990年後再尝呢项赛事冠军滋味。
        C朗、沙迪奥文尼同拿朴迪等球星今场为艾纳斯正选上阵，上半场有沙迪奥文尼建功下领先3比1；74分钟C朗同队友撞墙後杀入禁区近门射入，呢球系佢今季第26球，亦系2023年第50个入波。完场前双方各入多球，最终艾纳斯大胜5比2晋级4强。
        C朗赛後喺社交网留言：「伟大嘅胜利，好开心攻入我喺2023年第50球，多谢球迷、队友同家人嘅大力支持，我今年仲有空间可以入多几球！」C朗今年1月加盟艾纳斯後，8月赢得阿拉伯冠军盃冠军，沙特盃有望成为C朗喺艾纳斯第2个冠军。