多蒙特拟用马伦换辛祖 曼联制唔制？

xcy232323

       


        曼联同多蒙特蕴酿球员交易？据德国《体育图片》报道，多蒙特有意喺1月收购被曼联弃用嘅查顿辛祖，并打算用前锋当耶尔马伦作为交易筹码，据报呢位荷兰国脚都系曼联领队坦哈格心仪球员之一，令转会有机会达成。
        曼联希望尽快踢走查顿辛祖，而多蒙特就有意重召呢位效力过4年嘅昔日球迷宠儿，《体育图片》指多蒙特愿意用有离心嘅当耶尔马伦作交换，呢位24岁荷兰国脚可以胜任左翼、右翼同前锋，而且又喺阿仙奴青年军踢过2年，对英超并唔陌生，一直想加强锋力嘅曼联对佢自然有兴趣。
        不过，多蒙特如果想实现交易，仲要查顿辛祖愿意减薪，报道指查顿辛祖目前年薪为1,400万欧元(约1.18亿港元)，比队中最高薪球员历卡斯苏尼嘅1,200万欧元(约1亿港元)更高，多蒙特未必能够承担。