奥拿拿领先金手套：晏菲路气势「冇料到」！

xcy232323

       


        曼联周一(18日)喺「双红会」死守利物浦，奥拿拿面对「红军」34次射门，作出8次扑救力保不失，表现获得赞赏，呢位喀麦隆门神赛後「牙斩斩」，被问到觉得对晏菲路球场声势嘅感觉，竟然回应「冇料到」，果然艺高人胆大。
        据Opta数据，奥拿拿今仗作出8次成功扑救，系自迪基亚喺2019年1月对热刺(11次扑救)後，曼联单场最高扑救纪录，而今仗系佢今季英超第6场「清白身」，同爱华顿门将比克福特并列第1位，暂时喺英超「金手套」奖领先。
        晏菲路球场最近开张新看台，今仗有破纪录57,000人入场，利物浦主场气氛一向出名炽热，但奥拿拿赛後接受《MUTV》访问，被问到点睇利物浦主场气势嗰阵话：「我觉得冇料到，踢得曼联我就预备好迎接任何事情，我一早已经习惯晒踢大型比赛同紧凑嘅赛事。」