英联盃8强车路士硬撼纽卡素 免费台直播

xcy232323

       

        英联盃8强重头戏，车路士主场斗纽卡素。车仔虽有地利，但佢哋表现飘忽并唔可靠；「喜鹊」近年食住车路士，近4次交手录2胜2和，包括今季联赛曾大炒对手4比1，受让梗系捧让球客胜。（Hoy TV 77台周三凌晨4时直播）
        车仔今季唔使应付欧洲赛，但联赛表现仍然唔多掂，目前落後前列太多，惟有寄望盃赛。佢哋上圈英联盃面对布力般流浪，前锋尼高拉斯积逊、史达宁及高尔彭马等主力均正选披甲，今晚同纽卡素争晋级，相信照遣强阵应战，问题系主帅普捷天奴仲未搵到一套可靠战术，搞到球员演出不稳，近5场仅得2胜3负，让唔起纽卡素。
        「喜鹊」今季重返欧联，成绩同样大起大跌，但随住欧联出局，佢哋大可专注番本土赛事，加上伤兵逐渐康复，哥林威尔逊、桑恩朗达夫及丹般恩复出披甲，上场即以3比0大炒富咸，天才新星利维斯米利攻入英超处子球，预计今场会继续获得重用。睇番纽卡素近年对车仔成绩甚佳，上月就曾以4比1轻松取胜，有一定心理优势，受让抵玩。