寸王被炒5年：曼联有佢哋永远唔会成功

xcy232323

       

        眨吓眼「寸王」摩连奴被曼联炒鱿已经5年，近日摩帅喺一个节目《Obi One》讲到曼联，佢咁讲：「曼联有佢哋喺度，永远唔会成功。」
        摩连奴一向心直口快，佢不点名批评曼联球员：「我喺曼联时，就同会方表明态度，有呢啲球员喺度，永远唔会成功，而当初我要求出售嘅几位曼联球员，有两个仍在队中。」
        《太阳报》根据摩连奴所讲，搵出5年来仲喺曼联嘅球员只有4人，分别系劳基梳尔、麦汤米尼、安东尼马迪尔，同埋拉舒福特。
        摩连奴曾经批评过劳基梳尔，但对方好快证明自己，并获得摩dad赞扬，话佢「有进步同肯付出，前途光明」，至於麦汤米尼系摩dad提拔上一队，亦可排除。
        讲到呢度，答案呼之欲出，安东尼马迪尔同拉舒福特就系令到曼联无法成功嘅主因，前者喺队中角色几近可有可无，但迟迟未能出售，至於拉舒福特，又的确好似摩连奴所讲，续约後演出走晒样，毫无建树，原来摩dad一早睇出拉舒福特有问题。