曼联小球迷睇到喊 坦哈格教波差过加利佬

xcy232323

       

        曼联上场英超作客0比2不敌韦斯咸，有1位红魔鬼小球迷被影到不禁落泪，令人心酸，成为网上热话，并进一步加深各界对曼联领队坦哈格嘅批评，利物浦名宿加历查亦趁机抽水，寸呢位荷兰名帅教波能力仲差过曼联名宿加利尼维利。
        曼联72及78分钟连失2球，眼见大势已去，电视台影到当时有1位身穿曼联球衣嘅小球迷神情哀伤，不时抹眼泪，亦有小球迷失望掩面。翻查纪录，原来曼联近31年以来，首次连续4场比赛入唔到波，表现颓丧，难怪小朋友咁伤心。
        有网民专登搵出加利尼维利同坦哈格教波成绩比较，原来「加利佬」之前执教华伦西亚28场比赛，输11场入39球及失38球，曼联今季各项赛事26战输13场，入33球及失41球，换言之坦哈格今季输波率仲高过出名唔识教波嘅「加利佬」。
        加历查趁机踩多坦哈格一脚，喺社交网分享呢则贴文，似乎想暗示「没有最差，只有更差」。