苏超早场 格流够抢速擒马瑟韦尔

xcy232323

       

        苏超独脚戏，马瑟韦尔主场硬撼格拉斯哥流浪，马瑟韦尔喺联赛已经3个多月未赢过，曳到冇朋友，格流自易帅後连场报捷，尤其联赛客场劲抢缰，半场客胜有计。（周日晚8时开赛）
        马瑟韦尔虽然排名唔系最低，近5场更有4场打和，睇落几硬净，查实佢哋自从9月险胜赫斯1比0後，已经连续14场联赛未尝胜果，只得6和8负，见到都唔开胃。马瑟韦尔单计主场联赛就失咗18粒，未计今轮，系现时联赛主场失波最多球队，加上连场不胜信心受挫，唔好望佢哋立即反弹。
        相反，开季表现麻麻嘅格流，喺10月头怒炒米高比尔，搵嚟前摩纳哥教头菲腊比基文迪接手後，逐渐有起色，各项赛事领军15场，豪取12胜3和未输过嘅佳绩，单计近6场赢晒，重上正轨。未计今轮，格流喺打少一场下，只落後榜首些路迪两分，重燃争标希望，而且格流客场例抢缰，近5场联赛作客，有4次上半场取得领先优势，而呢4场最终都赢波，信心返晒嚟，造访态沉嘅马瑟韦尔，有力先发制人，半场客胜捧得过。