海伦惨成「0014」 皆因被两人所累？

xcy232323

       

        曼联上场英超0比2不敌韦斯咸，前锋海伦又冇入波或者助攻，呢位身价高达7,200万镑(约7.13亿港元)嘅丹麦国脚今季加盟红魔鬼以来，上阵14场英超仍然0入球及0助攻，被网民嘲讽为双倍「007」嘅「0014」。
        海伦今仗演出低迷，踢咗57分钟就被换走，由拉舒福特入替，延续英超0入球及0助攻颓势。不过有英国传媒指呢位20岁射手之所以长期食白果，主要原因系得唔到双翼阿历真度加拿祖、安东尼马菲奥斯支援。
        原来左翼阿历真度加拿祖今季英超同海伦一齐上阵473分钟，只曾5次传波畀海伦，至於安东尼马菲奥斯同海伦一齐上阵456分钟，亦只有6次传波畀後者，海伦得唔到双翼足够传送，自然缺乏入波机会。
        曼联现时缺乏擅於铺桥搭路嘅翼锋，就算搵拉舒福特担正，相信情况都唔会改善，因为呢位英格兰国脚更加独食，海伦想打破英超入球荒真系遥遥无期。