奥迪加特「篮球式」手球冇吹罚 裁判公司咁解释

xcy232323

       


        阿仙奴大战利物浦一役，再次引发球证执法水平争议，当时踢到21分钟，兵工厂中场马田奥迪加特喺禁区内防守穆罕默德沙拿，竟然出手拍走个波，十足似打紧篮球，但球证卡维拿治并冇吹罚12码，赛後英国职业裁判员公司指马田奥迪加特只系跣脚失去平衡，只手「不自主」跟随身体移动，意外掂到皮球，并非蓄意犯手球。
        英国职业裁判员公司嘅解释明显缺乏说服力，因为从慢镜所见，马田奥迪加特其实并冇失去平衡跌倒，而且仲故意出手拍走个波，点睇都唔似「意外」，应该吹犯手球及判罚12码至啱，唔少网民寸呢位挪威国脚系足球界「勒邦占士」，可以去转打NBA。
        利物浦领队高普嬲爆话：「边有可能唔系12码，所有人都见到奥迪加特禁区内犯手球，只有球证见唔到，我对呢种情况好愤怒，又系我哋吃亏。」中坚华基尔云迪积克更加寸球证卡维拿治「饮醉酒」，事实上，利物浦今季唔止一次遭遇「千古奇冤」，英超作客热刺一役，红军前锋路易斯迪亚斯曾经入波，但球证误判越位，VAR竟然摆乌龙下草草通过，导致利物浦输1比2，呢两次争议性判决，令红军「被屈」失分，如果最终未能夺冠，就真系惨情。