般尼防守曳顶唔住 利物浦开火半场Ｗ嚟料

xcy232323

       

        今季重返争标行列嘅利物浦，连续两场联赛失分而回後，今年最後一击作客弱旅般尼，呢3分志在必得。「红军」今季重现强大火力，往往喺比赛早段发动抢攻，面对实力较弱嘅球队，压迫战术经常收到成效，半场客胜值得捧场。（Now 621周三凌晨1时30分直播）
        利物浦近两场联赛打和曼联同阿仙奴，但整体发挥唔差，穆罕默德沙拿为首嘅攻击线极具侵略性，夏天中场年轻化後，前场压迫更加到肉同有效，早段大把机会搵到着数。再睇番近年对赛数据，「红军」近6次对般尼，有5次可以喺半场领先，值得再追。
        般尼喺高柏尼执教下踢法主动，但球队防守偏弱，主场出击唔想死守往往招致大败，今季主场就曾吞曼城3蛋、2比5惨负热刺、1比4大败车路士，今次面对决心十足嘅利物浦，恐怕凶多吉少。「红军」可望由头赢到尾，半场客胜值得支持。