哥迪奥拿放风 迪布尼快过夏兰特复出

xcy232323

       


        曼城勇夺世冠盃後，重返英超即3比1击败爱华顿，最令球迷开心嘅系，曼城2大核心奇云迪布尼同艾宁夏兰特都仲养紧伤，当2人复出後势必重现冠军霸气。领队哥迪奥拿透露，2大主力都已非常接近康复，而奇云迪布尼更有望率先上阵。
        哥迪奥拿表示：「迪布尼上星期已复操，佢练得好甘所以觉得好疲倦。佢已经非常接近(复出)，但我哋要好小心，如果时间掌握得唔好可能会再次受伤，我希望佢可以喺下一场(对锡菲联)或者之後对哈特斯菲尔德上阵，但重点系要佢长期保持健康，而唔系踢1、2场比赛。」
        至於艾宁夏兰特，哥迪奥拿就话希望佢可以喺1月份回归：「夏兰特感觉好咗，但佢仲未可以跟球队操练，好遗憾12月同1月嘅赛程都非常频密，我希望佢可以喺1月份复出。」