曼联又做水鱼 借辛祖返多仔仲要倒贴

xcy232323

       

        查顿辛祖今季被曼联投闲置散，一日有主帅坦哈格执教都难有翻身机会，英国传媒指红魔将佢借番去多蒙特半季一事，成事机会唔细，但曼联需要畀大部分人工，又做水鱼。
        2021年以7,500万镑从多蒙特加盟曼联嘅查顿辛祖，表现一直未如理想，更与主帅坦哈格不和，依家有你冇我，坦帅唔想笃眼笃鼻，梗系想尽快赶走佢喇，多蒙特亦趁机会想借用呢位旧将。据报多蒙特只肯畀300万镑，包括晒借用费同人工，其他费用嘅就要曼联自己啃番，依家辛祖周薪达35万镑，而红魔需要每周承担其中嘅27万镑，多蒙特你咪好着数。当然曼联咁都肯制，系因为想藉此送走查顿辛祖，借完半年就正式重返多蒙特，希望收番3,500万镑转会费。何况多蒙特以往曾高价卖出香川真司、马里奥葛斯等，其後平价收回，家阵回购仲系当打之年嘅辛祖唔系冇得倾。