利物浦获11日歇冬 云迪积克复出斗富咸

xcy232323

       

        利物浦喺英足盃淘汰阿仙奴，避免重赛可以话系最完美结果，领队高普表示周四(11日)凌晨对富咸後，将会安排歇冬计划畀球员叉电，传闻可能会出国集训。至於今仗因病缺阵嘅华基尔云迪积克，高普预计佢有望赶及复出对富咸。
        利物浦自12月开始赛程紧密，踢完英足盃後，周四又要喺英联盃4强作客富咸，由於利物浦唔需要重赛，踢完英联盃後有11日「歇冬」，直到22号先至对般尼茅夫。高普对此表示欢迎：「阿仙奴尾段想追平，但和波(重赛)系我最唔想要嘅结果，依家我哋终於有得歇冬，我要开始计划。」阿仙奴将会拉队飞去杜拜集训，有传利物浦亦考虑出外集训，上季季中世盃休战期，利物浦亦曾去杜拜集训。
        「红军」目前有唔少球员缺阵，对阿仙奴因病冇踢嘅华基尔云迪积克，据报有望复出砌富咸，高普赛後表示：「好少见到云迪积克病到猫样咁，但佢今日就系咁，所以我哋畀佢返屋企。我希望佢可以复出对富咸，但我唔肯定。」