斩手指戒赌！祖记中场接受第一次戒赌治疗

xcy232323

       

        今季因赌波被意大利足总重罚停赛7个月嘅祖云达斯中场法基奥利，日前接受第一次戒赌治疗会议，佢话好挂住班队友。
        着名记者迪马济奥报道，法基奥利因赌波被判停赛7个月，刑期至今年5月底，亦即今季报销，停赛期间佢要接受戒赌治疗。法基奥利近日接受第一次戒赌治疗会议，佢话：「我好好，第一次会议对每个人都有建议性，好挂住班队友，为佢哋感到高兴。」
        佢劝告年轻人唔好沉迷赌博：「戒赌会议喺皮埃蒙特举行，我讲述我嘅经历，我想帮助比我年轻嘅人，叫佢哋唔好沉迷呢啲事。」
        都灵心理学家协会主席表示：「呢个系建设性对话，法基奥利表达自己观点，咁样对每个人都有好处。」