【有片】东尼复出入蛊惑罚球 宾福特赢森林

xcy232323

       


        周日(21日)凌晨英超，宾福特主场3比2反胜诺定咸森林，上年因违规赌波被停赛8个月嘅艾云东尼，今仗为宾福特复出即入波，不过佢嘅「蛊惑罚球」就引起争议，森林领队纽奴赛後批评VAR未入介入。
        森林今仗3分钟就由丹尼路窝利抽入，宾福特19分钟禁区边获得罚球，当森林排好人墙後，艾云东尼竟然2次弯腰将个波移向右边，甚至连球证喷嘅泡沫都一齐移动，成功调校一个更靓角度，亦间接令森林原先排好嘅人墙失位，结果艾云东尼主射就系弯个人墙边直入。下半场宾福特由宾美尔建功反超前，森林即由基斯活特追平，不过马奥比68分钟入波，终为宾福特赢3比2。
        森林领队纽奴赛後不满表示：「东尼移走个波，球例好清楚，导致入波嘅每个情况都要查清楚，我唔知VAR有冇查，但佢的确移走个波。我好惊奇点解球员唔投诉，球员应该更成熟，东尼咁做改变咗我哋人墙嘅方向，所有人都见到佢移走个波，仲唔系几寸，系移咗成码！」