马迪同雷恩骑呢反面 即将转投里昂

xcy232323

       

        曾效力曼联、车路士嘅塞尔维亚中场尼曼查马迪，去年夏天由罗马转投雷恩，但只系踢咗半季就同球会反面要求离队，据报佢即将加盟另一法甲球会里昂。消息指尼曼查马迪同雷恩极速反面，系因为球会未能履行安排佢3个仔女入读国际学校嘅承诺。
        35岁嘅尼曼查马迪今季为雷恩踢13场法甲，但自12月17日开始就再冇上阵，据报佢向雷恩提出转会要求，甚至威胁如果唔能够转会，就宁愿选择挂靴。报道指尼曼查马迪一向将3个仔女嘅学业摆第1位，上年决定加盟雷恩，系球会应承帮佢3个仔女入读国际学校，但原来喺雷恩根本冇呢种学校，令佢觉得受到欺骗。
        转会权威Fabrizio Romano周五(26日)报道，尼曼查马迪同里昂已经达成协议，完成体测後会签约至2026年夏天，法国《队报》指转会费约300万欧元(约2,500万港元)。