喀麦隆非国盃出局 奥拿拿回归曼联

xcy232323

       

        周日(28日)凌晨非国盃16强，喀麦隆以0比2不敌尼日利亚出局，今仗继续坐冷板嘅门将奥拿拿，可以提早重返曼联。奥拿拿喺今届非国盃只系踢过1场，但亦冇错过任何英超赛事，曼联周五(2日)凌晨作客狼队嘅联赛应可候命。
        奥拿拿喺非国盃开波前1日迟归队，分组赛首仗被踢出大军名单，第2场对塞内加尔担正即失3球输波，结果上场再次被弃用。今仗大战尼日利亚，喀麦隆继续用奥拿拿表弟奥度亚把关，可惜被尼日利亚前锋喺上、下半场各入1球，以0比2输波出局。
        有传奥拿拿同领队桑治再次出现冲突，不过桑治喺赛前已否认：「我同每个门将都冇问题，佢哋个个都做好准备，冇任何争议，大家都相处好好。」奥拿拿喺卡塔尔世盃曾因战术问题同桑治争执，结果被踢走兼退出国家队，喺非国盃前先至答应重返喀麦隆。