发生咩事？尼马现身忽然「胀爆」

xcy232323

       

        巴西球星尼马上年8月加盟沙特豪门希拉尔，点知10月份就因膝部韧带撕裂长抖，日前佢出席巴西传奇罗马里奥嘅生日派对，忽然「胀爆」嘅身形即成网民热话，唔少球迷认为尼马已放弃足球事业，将会同「大哨」朗拿度一样走上肥仔之路。
        31岁嘅尼马只系养伤3个月，周一(29日)出席罗马里奥58岁生日派对，现身嗰阵竟然胀咗几个码，震撼画面即时成为网上热话，大批网民留言：「罗马里奥仲弗过佢」、「尼马真正踏上朗拿度之路」、「张相系咪畀人P过」、「尼马已经放弃足球事业」......
        尼马同希拉尔嘅合约去到2025年夏天，但目前因外援名额问题被暂时撤销注册。据巴西国家队队医透露，尼马目标系喺今年8月复出，但就肯定错过6月上演嘅美洲国家盃。