柏迪未复出又受伤 阿仙奴生涯提早玩完？

xcy232323

       


        阿仙奴中场汤马士柏迪自从上年10月中受伤之後，一直缺阵，领队阿迪达透露，呢位30岁加纳国脚近日又出现新伤患问题，未知几时可以复出，盛传汤马士柏迪可能今夏离队，佢嘅兵工厂生涯随时提早玩完。
        阿仙奴周一(5日)凌晨英超主场对榜首利物浦前夕，主帅阿迪达表示，汤马士柏迪未能入选大军名单：「好不幸汤马士早几日又受伤，唔可以参加比赛，仲未知道佢需要休息几耐，可能系几日，亦可能系几个星期，佢觉得伤势同之前相似。」汤马士柏迪今季仅为阿仙奴上阵4场英超。
        阿仙奴签入迪格兰赖斯之後，已经传出可能出售汤马士柏迪，加上佢今季受伤患问题困扰，进一步增加被球会放弃嘅可能性。据悉意甲劲旅祖云达斯有意签入汤马士柏迪，问题系佢已经变成「玻璃脚」，可能影响转会交易。