麦巴比发「班主梦」 转会要求股份

xcy232323

       

        基利安麦巴比已经下定决心今夏离开巴黎圣日耳门(PSG)，虽然盛传皇马最大机会签入呢位25岁法国射手，但双方就待遇问题出现分歧，最新消息指「麦总」希望转会之後，可以获得新加盟球会嘅股份，似乎想为日後做班主铺路。
        基利安麦巴比价值不菲，任何球会想签入佢，除咗需要支付巨额薪酬之外，亦涉及奖金、签字费、肖像权等费用。「麦总」依家仲想获得球会股份，佢之所以有呢个想法，可能受到前PSG队友美斯启发，因为呢位阿根廷球王加盟国际迈亚密，获得球会部份股份。
        据悉利物浦、曼城、车路士、阿仙奴都愿意满足麦巴比索取股份嘅要求，佢下季可能登陆英超，而非西甲。